Jane Fonda (79) og Robert Redford (81) spæla saman í nýggjum Netflix-drama, «Our Souls at Night» og eru tveir grannar, hon einkja og hann einkjumaður, sum so gerast góð.
– Í «Berføtt í parkini» frá 1967 spældu vit tvey ung elskandi sum júst eru gift, og nú vísa vit eitt eldri par og teirra kærleika og kynslív, segði Fonda undir filmefestivalinum í Venesia í gjárkvøldið, og skundaði sær at leggja afturat:
– Men eftir mínari meining so kutar Ritesh kærleikssenurnar alt ov skjótt.
Fonda var ósmæðin tá ið hon tosaði við reportararnar á reyðu langmottuni í gjár, og báðar Hollywood-stjørnurnar vóru samdar um at tær elskaðu at sleppa at arbeiða saman aftur, sambært AP.
– Eg vildi sleppa at leika ein film saman við henni aftur áðrenn eg doyggi, segði Redford.
– Og eg vildi vita hvussu tað kendist at forelska seg í honum aftur, segði Fonda, og legði afturat:
– Tað var spennandi at mussa hann tá ið eg var í 20-árunum og tað er pennandi at mussa hann aftur nú eg skjótt gerist 80.
Um tú veitst okkurt, sum VP ikki veit - skriva so til vp@vp.fo
