Iran hevur alsamt størri ávirkan í Sýria, og brúkar hetta til at fremja álop ímóti Ísrael, sigur Ísrael, sum roynir at bremsa hesum við at leypa á mál í Sýria.
Í seinastuni, og serliga seinasta samdøgrið eru álopini herd, og málini hava verið herstøðir og onkur flogvøllur nærhendis býnum Homs. Bert materiellur skaði er hendur.
Sýriskir miðlar skriva, at sýriska loftverjan hevur skotið niður fleiri ísraelskar rakettir.
Ein ísraelskur talsmaður fyri herin sigur, at álopini á mál í Sýria henda, tí tað er staðfest, at rakettir hagani eru skotnar inn í Ísrael.
Um tú veitst okkurt, sum VP ikki veit - skriva so til vp@vp.fo