Framsýningar
Fitt av fólki var komið saman til ferniseringina í hugnaligu hølunum hjá Jastrid og Símun Gullaksen. Hesin søguligi bygningurin, sum upprunaliga var ein partur av virkseminum hjá seglhúsmonnunum, virkar nú sum karmur um framsýningar og onnur mentanartiltøk.
Seinnapartin í gjár var borgarstjórin í Havn boðin norður til Klaksvíkar, at lata upp eina serstaka listaframsýning hjá Anker Mortensen í Gamla Seglhúsinum.
Tiltakið byrjaði við at Simun Gullaksen bjóðaði vælkomin, og síðani framførdu Karl Martin Samuelsen og Mikkjal Hvannastein.
Til ber at síggja fleiri myndir og lesa røðuna hjá Heðin Mortensen her.
Um tú veitst okkurt, sum VP ikki veit - skriva so til vp@vp.fo
