Í samband við fíggjarlógararbeiðið hava fleiri erpað sær av at hava fingið pening til ein eyka flokk av námsfrøðilesandi.
Millum aðrar hava fyrrverandi landsstýrismaðurin Jenis av Rana, og sitandi landsstýrismaður í undirvísingarmálum Djóni Nolsøe Joensen, fleiri ferð verið í miðlunum við boðunum at teir nú hava raðfest námsfrøðiútbúgvingina!
Vísindi til løgtingsmál 47/2022 um fíggjarlóg 2023, var eyka námsfrøðiflokkurin ein av serligu raðfestingunum fyri 2023.
Játtaðar vóru 2 mió. krónur til ein námsfrøðiflokk afturat. Málið var einmælt samtykt.
Politiski viljin er greiður: Okkum tørvar námsfrøðingar. Vit ynskja fleiri námsfrøðingar.
Fróðskaparsetrið boðaði 4. juli frá, at inn vóru komnar 46 umsóknir til námsfrøðiútbúgvingina.
Tølini fyri 2021 og 2020 vóru ávikavist 54 og 68.
Í staðin fyri at gera tveir flokkar á 23 næmingar, valdi Fróðskaparsetri at gera ein flokk á 35.
Harvið eru 11 umsóknir havnaðar.
Tað kann undra at:
- Fróðskaparsetrið ikki gjørdi eftir løgtingsins vilja, og stovnaði tveir flokkar, hóast 46 umsóknir fyrilógu.
- Fróðskaparsetrið heldur fast við floksstødd á 35 næmingar. Størri flokkar merkir vanliga størri fráfall, og harvið færri útbúnar námsfrøðingar.
- Fróðskaparsetrið ikki hevur roynt at marknaðarføra tøku plássini.
Ein sum undrast
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
