Frá vinstru: Pernille L. Jørgensen, Annfríð S. Høgnesen, Lív Steinkross Guttesen og Anita Thomassen
Frá vinstru: Pernille L. Jørgensen, Annfríð S. Høgnesen, Lív Steinkross Guttesen og Anita Thomassen
Frá vinstru: Pernille L. Jørgensen, Annfríð S. Høgnesen, Lív Steinkross Guttesen og Anita Thomassen
Vesturvón hevur nú fingið fýra nýggjar vegleiðarar innan røktina, og hevur hetta við sær, at Vesturvón kann taka móti nýggjum lesandi.
Í seinastuni er fleiri ferðir miðla um, at vit í framtíðini gerast enn fleiri eldri, og at tað verða færri og færri, sum eru at røkta tey.
- Á Vesturvón ynskja vit framyvir at kunna bjóða enn fleiri lesandi til okkara, soleiðis at vit, á tann hátt, kunnu viðvirka til, at vit verða fleiri, sum lyfta uppgávuna, sigur Jóngerð M. Nielsen, stjóri í Vesturvón.
- Vit ynskja at hava fakfólk, sum kunnu verða um og røkta okkara aldrandi borgarum, eisini í framtíðini.
- Tí er tað við gleði, at vit í dag kunnu hátíðarhalda, at vit nú hava útbúgvið ein kliniskan vegleiðara innan sjúkrarøkt, tveir vegleiðarar innan heilsurøkt og ein vegleiðara innan heilsuhjálparaútbúgvingina, sigur Jóngerð M. Nielsen, stjóri í Vesturvón.
Mikudagin var hátíðarløta, har allar fingu blómur og vóru ynsktar til lukku við útbúgvingini.
Um tú veitst okkurt, sum VP ikki veit - skriva so til vp@vp.fo
