- Tunlar eru ikki hørð men bleyt virði, segði fyrrverandi løgmaður, Bárður á Steig Nielsen, tá hann helt sína formansrøðu á landsfundinum hjá Sambandsflokkinum, sum er í Vestmanna í dag. Bárður Nielsen sipaði til, at føroyska undirstøðukervið, sum seinastu árini er nógv útbygt, er við til at knýta landið saman og gera tað størri, so at vit kunnu varðveita tað búsetingarmynstrið, sum í øldir hevur eyðkent føroyska samfelagið.
Bárður á Steig Nielsen kom eisini inn á farleiðina til Vestmanna um Høgareyn og nevndi, at hetta vegastrekki als ikki er nóg trygt á vetrartíð, tá mangan er trupult at koyra har fyri kava. Og hann heitti á sitandi landsstýri um at raðfesta Vestmannatunnilin.
Formaðurin í Sambandsflokkinum hevði at Kringvarpinum fyri sendingina O, Móðirlandið, sum er fallin mongun samríkisfólkum fyri bróstið, tí tey halda hana ikki lýsa søguna og nyttuna í ríkisfelagsskapinum rætt.
Um tú veitst okkurt, sum VP ikki veit - skriva so til vp@vp.fo
