Vágatíðindi
Ein trailari frá Faroe Ship hevur ligið við síðuna av vegnum við Sandavágsháls tað mesta av vikuni, men nú komandi nátt verður hann tikin uppaftur, upplýsa tey hjá Faroe Ship.
Tað verður neyðugt at sperra vegin, loyvi til tað skal fáast frá Landsverki og harumframt skal politiið eisini uppí, so tað er neyðugt við nakað av samskipan, og tað er hetta sum hevur gjørt, at tað mesta av vikuni er gingið ímeðan bilurin hevur ligið við vegjaðaran.
Timbur var í bilinum, tá hann koppaði.
Um tú veitst okkurt, sum VP ikki veit - skriva so til vp@vp.fo
