Ríðingarfelagið: 2 jóladagur hevur altíð verið ein serstakur dagur hjá reiðfólki, tí í mong harrans ár hava reiðfólk havt sum fastan sið at saðla sær rossini og fara felagstúr hendan dag.
Men hjá einari rossafamilju hevur 2 jóladagur eisini havt annan stóran týdning, og tað ikki minni í dag, 26 desembur 2019. Talan er um familjuna Holm á Argjum. Frúan í húsinum, Ellen Holm, fyllur hendan dag ikki minni enn 75 ár, ikki tað, árini merkjast ikki á henni, hvørki í sinn ella skinn.
Ellen er bóndadóttir úr Norðradali, foreldrini vóru Ingigerð og Viggo Lútzen, men longu tá hon var heilt ung flutti hon til Havnar og stutt aftaná, fann hon, sum so mong onnur tá á døgum, sín lívs kærleika í Sjónleikarahúsinum. Tann hepni var Rógvi Holm og 17 mars 1962 giftust tey bæði og í 1974 búsettist tey á Høvdanum á Argjum.
Um tú veitst okkurt, sum VP ikki veit - skriva so til vp@vp.fo
