Einangran er aftur við nýggjum staklagi “Eygu míni” frá teirra komandi plátu.

Heiðrik á Heygum og Lea Kampmann eru sangarar og sangskrivarar, ið sótu føst í somu íbúð í Keypmannahavn í fýra mánaðar, tá koronasóttin legði landið lamið í mars, 2020.

Úrslitið av samstarvinum varð EP´in, "Einangran" har lagið "Kanska" gjørdist ein landaplága í Føroyum og vann heiðurslønina fyri besta lag á FMA 2020.

Nú eru tey so aftur við einum nýggjum staklagi ið kallast, Eygu míni, ið tey hava skrivað. Sangurin snýr seg um eitt evni, vit føroyingar ivaleyst allir kenna til, arvað skomm. Tað, ikki at vilja vera dømdur fyri, hvørjari familju ein kemur frá, men heldur ynskir at verða sæddur sum einstaklingur.

Tann dreymakenda framleiðslan er gjørd av navnfamu framleiðararnar, Janus Rasmussen, ið m.a. er kendur frá BYRTA og Kiasmos, og Sakaris Joensen, ið er kendur sum einstaklingatónleikari undir egnum navni, og sum framleiðari fyri t.d. Frum og Frostfelt.

Hettar er 3 lagi tey útgeva frá eini heilari plátu ið tey arbeiða við í løtuni ið tey vóna kemur út móti summri 2023.