Ikki ber til at siga Rolling Stones, uttan eisini at siga The Beatles. Soleiðis hevur altíð verið, og tí fer Filmsfelagið eisini at sýna nýggja Beatles filmin, sum Ron Howard hevur gjørt í samráð við Apple, Paul og Ringo.
Filmurin, sum verður frumsýndur í øllum heiminum í heyst, er um tey árini, tá The Beatles ferðaðust og høvdu konsertir.
Tí er heitið ”The Beatles: Eight Days A Week - The Touring Years”.
Sýningin verður í Filmsfelagnum 5. oktober kl 20. Frammanundan, týskvøldið 27. september kl 20, verður nýggi Rolling Stones filmurin ”Havna Moon” sýndur í Filmsfelagnum. Atgongumerkjasølan til báðar tónleikafilmarnar er byrjað.
Um tú veitst okkurt, sum VP ikki veit - skriva so til vp@vp.fo
