Eg undraðist á, at hoyra formannin í ALS, Eyðfinn Jacobsen, tosa um fiskavirkisskipanina, hann vildi helst av við hana.
Síðan kemur talva á skermin, sum vísir hvør nýtur gott av skipanini, tað eru virkir við einum veldigum yvirskoti og sum hava stórar fyrimunir í landinum.
Hví gera tit ikki so, at tað eru tey virkini, sum arbeiða upsa og tosk sum fáa gagn av skipanini, tí tað eru tey virkini, sum hava hasa skipanina fyri neyðini, tí arbeiðið er í nógvum førum óstøðugt.
Sum eg skilti, so var hetta tilmælið, sum skuldi leggjast fyrii landsstýriskvinnuni Ingilín Strøm.
Ein lítil áheitan til landsstýriskvinnuna, vend teimum í hurðini, tá teir koma, tí hetta er eitt álop á tey minnu virkini.
Fiskavirkisskipanin hevur gjørt, at smærru virkini hava havt støðugt arbeiðsfólk.
Gerhard Lognberg
Fyrrverandi løgtingsmaður
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
