![Chik collins rektari bjodar nyggjum lesandi vaelkomin i kongshoell 22082022](https://www.vp.fo/fileadmin/user_upload/chik-collins-rektari-bjodar-nyggjum-lesandi-vaelkomin-i-kongshoell-22082022.jpg)
![Totalmynd ur kongshoell 22082022](https://www.vp.fo/fileadmin/user_upload/totalmynd-ur-kongshoell-22082022.jpg)
![Chik collins rektari bjodar nyggjum lesandi vaelkomin i kongshoell 22082022](https://www.vp.fo/fileadmin/user_upload/chik-collins-rektari-bjodar-nyggjum-lesandi-vaelkomin-i-kongshoell-22082022.jpg)
![Totalmynd ur kongshoell 22082022](https://www.vp.fo/fileadmin/user_upload/totalmynd-ur-kongshoell-22082022.jpg)
Fróðskaparsetrið: Klokkan níggju í morgun var fullsett í Kongshøll á Vestaru bryggju í Havn, tá tey nýggju lesandi møttu til innleiðsluna til lestrarlívið á Setrinum.
Chik Collins, rektari, bjóðaði teimum vælkomin, og umboð fyri Lestrarskrivstovuna greiddu frá um Setrið og tær stuðulstænastur, sum lesandi kunnu brúka, meðan tey lesa á Setrinum.
##med2##
Tey, sum fara undir lestur nú, eru 266 í tali. Námsvísindadeildin eigur størsta partin av teimum, tí 87 teirra fara hagar at lesa. 61 byrja á Søgu- og samfelagsdeildini, 59 á Náttúruvísindadeildini, 46 á Deildini fyri heilsu- og sjúkrarøktarvísindi og 13 fara á Føroyamálsdeildina.
Eitt sindur av undirhaldi og klassiskum tónleiki var eisini á skránni í morgun, og síðani fingu tey nýggju lesandi høvi at vitja básar hjá stovnum, sum eru viðkomandi fyri lestrarlívið í breiðari merking. Her er talan um Studna, Landsbókasavnið, Ráð teirra lesandi, MFS og onnur.
Síðani fóru tey lesandi við sínum mentorum út á deildina, har tey skulu hava sína dagligu gongd. Deildirnar skipa fyri egnari innleiðslu, har mong tiltøk eru á skránni, sum skulu stuðla teimum lesandi at fáa eina góða lestrarbyrjan.
Um somu tíð í fjør var talið av nýggjum lesandi 275. Lesið um tað her.
Um tú veitst okkurt, sum VP ikki veit - skriva so til vp@vp.fo