Nýggjársaftan er eitt ár síðani Kringvarpið kærdi fyrrverandi løgmann Kaj Leo Holm Johannesen og fyrrverandi fiskiráðharra Jacob Vestergaard til Umboðsmannin.

Umboðsmaðurin gjørdi tá beinanvegin innleiðandi kanningar, og segði seg skula taka støðu til, um Umboðsmaðurin tók málið upp ella ikki.

Men síðani er einki hoyrt aftur frá Umboðsmanninum um hvørt Umboðsmaðurin tekur málið upp ella ikki.

Kæran hjá Kringvarpinum snúði seg um, at hvørki fyrrverandi løgmaður ella fyrrverandi fiskiráðharri vildu úttala seg í tí tiltiknu fiskivinnusendingini hjá Kringvarpinum. Jacob Vestergaard vildi bara úttala seg, um tað var beinleiðis.

Sambært sending í Degi&Viku tá, so segði Liljan Weihe, tíðindaleiðari í Kringvarpinum, at løgmaður ikki ynskti at tosa við Jan Lamhauge í heila tikið.

VP sendi Umboðsmanninum ein fyrispurning um, hvussu gongst við málinum, og Umboðsmaðurin hevur svarað:

- Tað verður arbeitt við málinum í løtuni. Tað er torført at siga ítøkiliga, nær málið verður liðugt, sigur Umboðsmaðurin í svarinum.