Setur.fo: Nú 40 ár eru liðin, síðani havrættarsáttmálin hjá ST (UNCLOS) varð gjørdur, skipa Fróðskaparsetur Føroya og Københavns Universitet fyri ráðstevnu, har spurt verður, um og hvussu sáttmálin megnar at vera hóskandi rættarkarmur fyri alt virksemi á havinum.
Havrættarsáttmáli Sameindu Tjóða (UNCLOS) hevur nú 40 ár á baki, og í tí sambandi verður altjóða ráðstevna hildin tann 10. mars á universitetinum í Keypmannahavn.
Fróðskaparsetur Føroya skipar fyri ráðstevnuni saman við CEPRI á Københavns Universitet. Á skránni stendur dygdin í UNCLOS, og hvussu sáttmálin kann brúkast til at handfara nýggjar avbjóðingar, sum ikki vóru kendar í 1982, tá sáttmálin varð gjørdur.
Fyrilestrarhaldarar koma m.a. frá George Washington University, Oxford University og frá øðrum europeiskum universitetum.
Ráðstevnan er ókeypis, men tilmelding skal til.
Sí skránna fyri ráðstevnuna her
Um tú veitst okkurt, sum VP ikki veit - skriva so til vp@vp.fo
