Birkblog skrivar um ætlaninar hjá samgonguni at forða brúkarum at handla á netinum.
Eg freistist til at sitera øskudólg og sópingarkonuna, tá tey ikki vita, hvussu tey skulu liva, nú verðin liggur opin og bjóðar okkum ikki bara vørur, men eisini lýsingamøguleikar á øllum hillum.
Eitt nú á Google og Facebook.
Tá mark skal setast fyri innflutningi hjá einstaklingum av lógligum nýtsluvørum, sum eru keyptar bíliga á netinum, hví skulu føroyskar fyritøkur tá framhaldandi sleppa ótarnaðar at avreiða allar tøkar føroyskar lýsingakrónur til útlendskar netmiðlar á sama neti?
Kunnu vit gera sum í Kina og banna øllum føroyskum virksemi á netinum?
Ella ávís leitorð?
Eftir stendur, at skal møguleikin skerjast at keypa á netinum, so skal møguleikin at lýsa á útlendskum skipanum sum Google og Facebook eisini skerjast.
Tað er klárt.
Í báðum førum fara pengar av landinum.
Hevur landsstýriskvinnan í fíggjarmálum hugsað um tað?
ólavur
Hetta er ein oddagrein. VP hevur frælslynta sjónargrein, sum stundum kemur til sjóndar í oddagreinunum.
Um tú veitst okkurt, sum VP ikki veit - skriva so til vp@vp.fo
