![Fastvold](https://www.vp.fo/fileadmin/user_upload/fastvold.jpg)
![Fastvold](https://www.vp.fo/fileadmin/user_upload/fastvold.jpg)
Meðan filmstevnur hava verið stroymdar ella avlýstar er 88 ára gamla filmstevnan í italska býnum Venezia, í fullari gongd og endar í kvøld. Tá hava 66 filmar úr øllum heiminum verið sýndir á heimsins elstu filmstevnu.
Altjóða filmspressan vil vera við, at 39 ára gamla Mona Fastvold úr Noregi stendur til at vinna Gyltu Levuna í Venezia í ár. Fastvold, sum fyrr var gift við sangaranum Sondre Lerche, fær bestu ummæli fyri amerikanska filmin ”The World To Come”, ið er eitt lesbiskt drama í statinum New York í 1850’unum.
Felagsspaurin HFPA, sum stendur fyri Golden Globe virðislønunum, heftir seg við koronusmittuna og skrivar soleiðis úr Venezia: ”The bigger question will not be answered for a few more days: as Venice is a Rorschach test for all festivals in the era of COVID, will it stay safe? Will Alberto Barbera be the hero, Italy a shining example of doing it right? And with that, a country is holding its breath while the world is fighting for theirs.”
Um tú veitst okkurt, sum VP ikki veit - skriva so til vp@vp.fo