![Toskur 07](https://www.vp.fo/fileadmin/user_upload/Toskur_07.png)
![Toskur 07](https://www.vp.fo/fileadmin/user_upload/Toskur_07.png)
Fiskamarknaður Føroya: Eitt línuskip er á Føroya Banka ogg eitt í kantinum á Føroya Banka. Bæði landa fyrst í vikuni. Skipini fáa mest av hýsu og longu. Væntandi fer okkurt avstað í næstum. Fimm frystilínuskip fiska undir Føroyum, eitt er á Føroya Banka og eitt undir Íslandi.
Streymurin er hampuligur og veðrið verður eisini brúkiligt, so helst verður nakað av útróðri. Smáligt fiskarí.
Tveir djúpvatnstrolarar eru á svartkalvaveiðu og koma væntandi at landa í vikuni. Ein liggur við bryggju og ein frystitrolari fiskar svartkalva í Eysturgrønlandi.
Fýra pør eru til fiskarí og koma tey flestu at landa í vikuni. Fýra pør fiska upsa, men fáa eisini nakað av hvítum fiski. Okkurt parið fer út um vikuskiftið. Tvey pør fiska gulllaks.
Ein trolbátur er á landleiðini, tveir eru á Skeivabanka og so eru tveir norðanfyri. Allir landa í vikuni. Tað er ein blandingur av toski, hýsu og flatfiski bátarnir fáa. Brúkiligt fiskarí.
Tvey garnaskip fiska svartkalva. Fiskaríð er brúkiligt. Tvey fiska havtasku. Misjavnt fiskarí. Øll garnaskipini landa í vikuni.
Um tú veitst okkurt, sum VP ikki veit - skriva so til vp@vp.fo