Fleiri toppdemokratar siga við netstaðið Axios at teir halda Joe Biden forseti tekur seg burturúr valstríðnum longu umvikuskiftið.
Tað skrivar norska TV2.
Fyrrverandi forsetin, Barack Obama, hevur, sambært blaðnum Washington Post, sagt við fleiri av sínum floksfeløgum, at Joe Biden av álvara skal meta um hann er skikkaður til eitt fosetavalstríð.
Sambært keldum hjá blaðnum heldur Obama, at møguleikarnir hjá Biden at vinna valið eru munandi minkaðir.
Washington Post hevur roynt at fingið samband við Obama, men ein talsmaður hjá fyrrverandi forsetanum vildi ikki gera viðmerkingar til málið.
Samstundis frættist frá fleiri og fleiri, at leiðandi demokratar royna at fáa amerikanska forsetan, Joe Biden, at taka seg úr forsetavalstríðnum.
Um tú veitst okkurt, sum VP ikki veit - skriva so til vp@vp.fo
