Talvsambandið: So er talvfólkið stillað upp aftur.

Í morgin sunnudagin er fult umfar í landskappingini í talvi fyri lið. Telvað verður í øllum fýra deildum.

Hetta fimta umfarið verður skipað sum felagsumfar. Hvør deild telvar saman fyri seg. Hesin leisturin varð royndur eitt skifti árini fyri og eftir 1990.

Telvað verður soleiðis:

1 deild (Tórshavn/Finsen)

2 deild (Klaksvík/húsini hjá Húsmøðrafelagnum)

3 deild (Eiði/skúlin)

4. deild (Sandavágur/skúlin á Giljanesi)

Byrjað verður klokkan 14.00 um alt landið. Dystirnir og støðan er henda:

1 deild (5 umfar/12 januar)

Havnin – Sandavágur

Havnin B. – Klaksvík

Klaksvík B. – Kollafjørður

Støðan 1 deild

Havnin 13½ stig

Sandavágur 12½

Klaksvík 8½

Havnin B. 5

Klaksvík B. 5

Kollafjørður 3½

2 deild (5 umfar/12 januar)

Kongshavn – Sandavágur

Klaksvík – Havnin

Havnin B. – Toftir

Støðan 2 deild

Sandavágur 9½ stig

Toftir 8½

Klaksvík 8½

Havnin B. 8

Havnin A. 7

Kongshavn 6½

3 deild (5 umfar/12 januar)

Rókur – Kollafjørður

Vestmanna – Gøta

Havnin – Sandavágur

Støðan 3 deild

Rókur 12½ stig

Vestmanna 10½

Gøta 8½

Kollafjørður 7½

Havnin 5½

Sandavágur 3½

4 deild (4 umfar/12 januar)

Sandavágur B. – Suðuroy

Klaksvík – Strendur B.

Rókur – Strendur

Sandavágur – Havnin

Gøta – Toftir

Støðan 4 deild

Klaksvík 10½ stig

Sandavágur B. 7½

Suðuroy 7

Rókur 6½

Sandavágur A. 6

Strendur 6

Gøta 5½

Toftir 5

Havnin 3

Strendur B. 3

Ovurstórur áhugi
Komandi vikuskiftið verður almenn talvkapping á Eiði. Kappingin er partur av grand prix-røðini hjá Talvsambandi Føroya í vetur. Fyrireikarnir nýta høvið til at skipa hetta tiltak sum eina kapping til minnis um Janus í Løðuni av Eiði, ið doyði í fjør, bara 46 ára gamal. Janus var ein av eldsálunum í talvfelagnum Róki í Sundalagnum, og var í 1986 vinnari í yngsta flokkinum í fyrstu FM-kappingini í talvi fyri børn, sum Talvsamband Føroya skipaði fyri.

Í løtuni hava 81 telvarar boðað frá luttøku. Av hesum eru fleiri útlendingar; spaniólar, íslendingar og danir. Telvað verður í Kolshøll fríggjakvøldið, leygardagin og sunnudagin í komandi viku. Vinnarin fær 5.000 krónur, nummar tvey 3.000 krónur og nummar trý fær 2.000 krónur. Freistin at boða frá luttøku er úti hósdagin.

Luttøkan er óvanliga stór. Mettalið á luttakarum til eina talvkapping í Føroyum er frá norðurlandameistarakappingini í 1987, sum var Norðurlandahúsinum. Tá vóru 101 telvarar við. Næstmesta luttøkutal var í FM-einstaklingakappingini í Havn í 2003. Tá vóru 95 telvarar við. At so nógvir telvarar eru við í kapping í Føroyum á hávetri er sjáldsamt. Tað boðar helst frá stórum talváhuga millum føroyingar, men uttan iva eigur ein onnur eldsál, fyriskiparin Rógvi Egilstoft, stóran heiður uppibornan fyri, at so væl hevur vignast higartil.