Flogvinnan
Samtakið sum Atlantic Airways hevur havt sonevnt Code-share samstarv við síðani januar 2019, Air France / KLM, var í gjár við til at bjarga størsta kappingarneytanum hjá Atlantsflogi, nevniliga SAS.
Jóhanna á Bergi, stjóri í Atlantic Airways sigur í stuttari viðmerking við VP, at í løtuni vita tey ikki, í hvønn mun hetta fer at merkja samstarvið ímillum Atlantic Airways og Air France / KLM.
- Vit vita ikki, hvussu tey koma at skipa seg og tí er eingin broyting enn, sigur hon, og leggur afturat, at tey hava verið sera vælnøgd við samstarvið.
Um tú veitst okkurt, sum VP ikki veit - skriva so til vp@vp.fo
