Granskarar siga nú, at um tú ferðast nógv hevur tað gagnliga ávirkan á heilsuna og tú eldist seinni enn annars.
- Kroppurin upplivir meira ró, tú fært betri javnvág í hormonini og immunverjan fer at virka betur, eru nakrir av fyrimununum, sigur Fangli Hu, granskari við Edith Cowan University í Australia í grein í Journal of Travel Research sum Jyllandsposturin endurgevur úr.
Serliga ferðir, har tú ert fysiskt aktiv/ur og ert nógv saman við øðrum hava hesa gagnligu ávirkanina, sigur nýggja granskingin.
Professari við lærda háskúlan í Keypmannahavn, Rikke Lund, ivast tó í, um tað er ferðin sjálv sum ger, at tú eldist spakuligari. Og hon heldur, at somu ávirkan kanst tú ivaleyst fáa, um tú ferðast innanlands, ert nógv saman við øðrum og rørir teg nógv.
Hon vísir eisini á, at tað longu frammanundan eru tey betri stillaðu, fíggjarliga og kropsliga, sum hava møguleikan at ferðast.
Um tú veitst okkurt, sum VP ikki veit - skriva so til vp@vp.fo
