Skipað verður fyri navnakapping, nú Tórshavnar kommuna í næstum letur upp nýtt ungdómstilboð á Argjahamri.
Hevur tú eitt gott uppskot? Send kommununi uppskotið HER.
Uppskotini, sum koma inn, verða løgd fyri nevnd. Í nevndini eru umboð fyri nýggja stovnin, forkvinnan í næmingaráðnum í Skúlanum á Argjahamri og leiðarin á Barna- & ungdómsdeildini hjá kommunu. Nevndin tekur síðani støðu til uppskotini, sum komin eru inn.
Latnar verða 1.000 krónur til vinnandi navnið.
Treytirnar eru hesar:
• Navnið skal vera lætt at siga
• Tórshavnar kommuna tilskilar sær rætt til ikki at taka av nøkrum av teimum uppskotum, sum koma inn.
Freistin at senda inn uppskot er sunnudagin 27. mai 2018.
Um tú veitst okkurt, sum VP ikki veit - skriva so til vp@vp.fo
