Politikkur
Danski uttanríkisráðharrin, Lars Løkke Rasmussen, er ikki so vísur í síni søk longur.
Tað veldst alt um, hvat Donald Trump sigur í morgin, tá hann verður tikin í eið sum forseti í USA.
Lars Løkke Rasmussen sipar til orðini hjá Donald Trump um, at hann vil hava Grønland at vera ein part av USA. Áður hevur Løkke sagt, at tað sum Donald Trump sigur skal nok takast í álvara, men ikki bókstaviliga.
Nú dregur hann í land.
Við TV2 sigur hann nú, at um forsetin endurtekur orðini, so er Danmark endað í størstu uttanríkispolitisku kreppu, sum landið hevur havt í nógv, nógv ættarlið.
Um tú veitst okkurt, sum VP ikki veit - skriva so til vp@vp.fo
