HSF: Spennandi lutakastið til HM-playoff dystirnar hjá kvinnum verður komandi sunnudag kl. 12.30 í Wien. Lutakastið verður stroymt á Home of Handball á youtube.
Talan er um úti- og heimadyst, har vinnarin yvir teir tveir dystirnar sleppur til HM-endaspælið, sum verður leikt í Týsklandi og Niðurlondum í døgunum 27. november til 14. desember 2025.
Playoff-dystirnir verða leiktir í viku 15 í apríl, hin fyrri miku- ella hósdagin 9./10. apríl og hin seinni leygar- ella sunnudagin 12./13. apríl.
Góða úrslitið hjá Føroyum í EM-endaspælinum, har Føroyar endaðu nr. 17, hevur tryggjað Føroyum styrkismeting í hægra bólkinum.
Ovari styrkisbólkur:
Danmark ella Svøríki, Montenegro, Pólland, Rumenia, Slovenia, Sveis, , Spania, Eysturríki, Kekkia, Ísland og Føroyar.
Niðari styrkisbólkur:
Norðurmakedonia, Kroatia, Turkaland, Serbia, Portugal, Ukraina, Slovakia, Ísrael, Italia, Kosovo og Litava
Um tú veitst okkurt, sum VP ikki veit - skriva so til vp@vp.fo
