Nú kom so navnið á Føroya fyrstu og størstu arenu til Havnar.

Í staðin fyri at kalla hana Føroya Arena, hvat tá, so hevur Heðin í dag gjørt av, at hon skal eita Við Tjarnir.

(By the Ponds. Ved Dammene).

Sig mær, hvat er hatta?

Eitt ból hjá seyði at kroka í, ella ein trøð at hava gæs á?

Hatta stendur ikki telefonprøvan, tað er so vist og sætt.

Hvussu sigur tú hatta í eini skjótari vending í telefonini?

Hvør er skráin, tá Summarfestivalurin flytir inn?

Jú, hin heimskendi Olly Murs fer at syngja Við Tjarnir!

Nei, álvara, fara teir eisini at spæla?

Tað ljóðar gott.

Kom, vit fara beint at keypa atgongumerki til Olly og Hjarnar uppi Við Tjarnir, tað er so vist og sætt.

Og so eina Oy afturvið.

Heimsmeistarakappingin í hondbólti fyri menn?

Jú, hon verður uppi Við Tjarnir í Hoyvíkshaganum.

Har fara allir teir í Mittúni og á Skipagøtu at spæla.

Spennandi.

Men altjóða?

Gudforbarmi seg, nei.

Hetta er so heimabeitisligt, at vit øtast.

Heðin, hatta eigur tú at gera umaftur innan eitt ár er umliðið.

Tí tá verður kommunval aftur.

Hatta navnið stóð ikki telefonprøvan.

En ommer!

Hvussu ljóðaðu hini 150 uppskotini?

“Eg fari niðan til Við Tjarnir” … noy, riggar ikki.

Ad-hoc toymið