Flogvinnan
Bara fyrstu 9 mánaðirnar í ár hava starvsfólkini í trygdareftirlitunum í amerikanskum floghavnum funnið 5.028 skotvápn í handviðførinum hjá ferðafólki.
Tað er tað sama sum umleið 18 skotvápn hvønn einasta dag, stendur at lesa í eini frágreiðing frá amerikanska flutningsmálaráðnum. Og í veruleikanum er talið minni enn í fjør.
Í USA er loyvt at hava skotvápn við sær umborð á flogfarið, men tað skal ikki vera í handviðførinum, men í innskrivaða viðførinum sum fer í viðførisrúmið.
Níggju av 10 av vápnunum vóru lødd.
Hald verður lagt á vápnini, sum verða uppdagað, og bótin er um 15.000 dollarar, ella einar 100.000 krónur.
Um tú veitst okkurt, sum VP ikki veit - skriva so til vp@vp.fo
