- Sjálvt um vit hava roynt at skoti, so hava tær totalt rasera okkum grønkál og rósinkálið. Myndirnar vísa tær syrgiligu restirna av einum annars flottum grønkáli og rósinkáli.
Tað skrivar Jóannes í Miðstovuni, bóndi á Sandi, sum kanska er tann í Føroyum sum hevur gjørt mest við at velta epli og dyrka purrur, gularøtur og ymisk sløg av káli umframt annað við, á facebookvanganum hjá Miðstovugarði.
Hann vísir til stórar flokkar av grágásum, nógvar 100 í tali, sum gera ónáðir og eta grøðina, men eisini púrasta oyðileggja lendið, tí tær oftani bíta alt upp við rót.
- Eg hugsi at vit sum bøndir eiga at fara at gera landsins mynduleikum greitt, at um vit skulu vera garantar fyri at ein helst alt ov stórur stovnur av grágásum skal yvirliva veturin her í Føroyum, so mugu vit fáa eina ella aðra samsýning fyri tann skaða hesin stovnur ger bæði í bø og haga, skrivar Jóannes í Miðstovuni.
Við VP sigur hann, at talan eru um stór virði sum soleiðis fara fyri skeyti.
Um tú veitst okkurt, sum VP ikki veit - skriva so til vp@vp.fo
