Leygardagin 22. mai verður almenn uppboðssøla av list til frama fyri nýggja klokkuspælinum í Miðvágs kirkju, við Torbjørn Jacobsen sum uppboðshaldara.

Opið hús verður allan dagin frá kl. 10.00, har til ber at fáa ein góðan drekkamunn og hyggja at málningunum sum verða á uppboðssølu kl 15.00.

Uppboðssølan verður stroymd á facebook síðuni hjá hotellinum, og fólk kunnu ringja inn og bjóða. Tlf. nr sum ringjast kann á verða upplýst dagin fyri tiltakið byrjar.

- Hjá okkum er klokkuspælið ein fleiri ára gamal dreymur, sum Jórun so íðin hevur hildi lív í. Eigil hevur kannað klokkuspæl inn ímillum síðstu árini, og fyri 2 árum síðani fann hann hetta sum er keypt frá Dansk Kirkeorgel. Prísurin er 250.000,- kr og við stuðli frá Vága Kommunu og øðrum, er helvtin útvega. Allur peningurin sum kemur inn frá søluni á hesi uppboðssølu fer óskerdur til at gjalda klokkuspæli, skrivar Gamla Hotellið á síni facebooksíðu.

Listafólk sum hava latið málningar eru:

Torbjørn Olsen, Zacharias Heinesen, Kári Svensson, Jórun Haraldsen, Torfinn Jacobsen, Fríðvør Ellefsen, Poul Skarðenni, Eirikur Joensen, Herdis s. Rasmussen, Jóna Birgit Nattestad, Arnleyg Magnussen og Amariel Norðoy.