Politikkur
Forsætisráðharraevnið hjá Konservativa flokkinum í Danmark, Søren Pape Poulsen, hevur biðið grønlendingar um umbering, eftir at hann í eini samrøðu umrøddi Grønland sum "Afrika på is".
Fólkatingslimurin hjá IA, Aaja Chemnitz, kravdi eina umbering frá formanninum í Konservativa flokkinum, og tað hevur hon nú fingið, váttar hon fyri Ekstrablaðnum.
- Hann hevur sent mær eina umbering men tað átti at verið ein almenn umbering til øll í Grønlandi, sigur Aaja Chemnitz.
Søren Pape Poulsen hevur síðani sagt, at orðini hjá honum vóru óheppin, men hann heldur fast við, at Grønland í mangar mátar minnir um eitt menningarland.
Um tú veitst okkurt, sum VP ikki veit - skriva so til vp@vp.fo
