Krutl
Um tað eru ógvusligu orðini hjá komandi amerikanska forsetanum um Grønland sum gera tað, er ikki gott at vita.
Men nógv færri danir hava keypt sær ferðaseðil til USA higartil í ár enn somu tíð í fjør.
Tað vísa tøl frá Momondo sum fólk brúka at leita eftir ferðum á netinum, sambært B.T.
Serliga er áhugin fyri høvuðsstaðnum, Washington, minkaður nógv. Har fara 29% færri, vísa hagtølini, sigur B.T. ímeðan eisini býir sum New York, Los Angeles og Las Vegas skulu vænta sær færri danir á vitjan.
Samstundis er áhugin fyri ferðum í Europa nógv vaksin, serliga til Stórabretlands og Portugal, har áhugin er vaksin við ávíkavist 53% og 33%.
Um tú veitst okkurt, sum VP ikki veit - skriva so til vp@vp.fo
