Tað ljóðaði ógvusligt, tá Jakob Clausen (myndin), sum er fimta ættarlið sum eigur elsta fiskahandilin í Danmark, P. Clausens Fiskehandel í Aarhus, á facebook boðaði frá, at hann ikki longur selur føroyskan alilaks. Hann meinti ikki bara við føroyskan alilaks, hann meinti allan alilaks, og ógvusligt var stigið, tí samstundis segði hann eisini farvæl við 10% av søluni. Og dagin eftir, at videobrotið varð lagt á facebook, komu boðini um, at hann ikki longur er nevndarlimur í felagnum Danmarks Fiskehandlere.
Við Jyllandspostin sigur formaður í felagnum hjá donskum fiskahandlarum, Klaus Anker Jensen, at tað ikki ber til at sita í nevndini hjá donskum fiskahandlarum, tá man "sagar greinina av, sum teir sita á".
- Aling er komin fyri at verða. Tað er onki loyndarmál, at vit helst vilja selja danskan fisk, men vit selja tað, sum kundarnir vilja hava, sigur formaðurin.
Um tú veitst okkurt, sum VP ikki veit - skriva so til vp@vp.fo
