Næsti borgarafundurin av trimum um bústaðarpolitikkin hjá Tórshavnar kommunu verður í Skúlanum við Løgmannabreyt í kvøld kl 19.
Seinasti fundurin verður týskvøldið 27. februar kl 19 í Skúlanum á Argjahamri.
Skráin í kvøld er soleiðis, at byrjað verður kl 19 við kaffi og livandi tónum frá Signari í Homrum.
Aftaná leggur Annika Olsen, borgarstjóri, fyri, og síðan verður vístur ein stuttfilmur um bústaðarpolitikkin.
Aftaná hevur Marin Katrina Frýdal, forkvinna í byggi- og býarskipanarnevndini, framløgu um bústaðarpolitikkin.
Eftir ein steðg er orðið frítt og eftir kjakið rundar Marin Katrina Frýdal av og greiðir frá, hvussu kommunan fer at arbeiða víðari.
Um tú veitst okkurt, sum VP ikki veit - skriva so til vp@vp.fo
