Eitt flogfar hjá Atlantic Airways er óbeinleiðis rakt av bumbuhóttanini sum í dag var sett fram ímóti floghavnini í Billund.
Flogfarið skuldi sambært heimasíðuni hjá Atlantslogi seta seg í Billund kl 14.45 lokala tíð, men tað er nú væntandi til Aarhus ístaðin. Ein lítlan tíma seinni fer flogfarið avstað aftur til Malta.
Jóhanna á Bergi, sjóri í Atlantsflogi sigur við VP, at talan er um ein leigutúr, sum tey flúgva fyri Folkeferie ímillum Malta og Billund, men altso nú Aarhus ístaðin fyri Billund.
- Tað er sjálvandi keðiligt, men í slíkum førum er føst mannagongd fyri, hvussu gjørt verður. Ferðafólkini verða so koyrd í bussi ímillum floghavnirnar, sigur hon.
Atlantic Airways flýgur annars fasta rutuflúgving ímillum Vágar og Billund. Næsti túrurin hagar er mánadagin, men fyribils er óvist, hvussu verður við tí túrinum.
- Hetta er so nýtt, og fyribils vita vit onki, sigur Jóhanna á Bergi.
Les eisini: Bumbuhóttan steingir floghavnina í Billund
Um tú veitst okkurt, sum VP ikki veit - skriva so til vp@vp.fo
