Tjóðveldi skipar fyri einum tvørpolitiskum tiltaki í Smæruni kl 19.30-21.30 í kvøld. Tiltakið verður eisini stroymt. Fylgið við á facebooksíðu floksins. 

Tveir løgfrøðingar á Setrinum, Bárður Larsen og Kristian Joensen, skrivaðu herfyri eina tíðargrein, Ríkisfelagskapurin (sokallaði) 2.0. 

Við tíðargreinini tóku teir forsætisráðharran, Mette Fredriksen uppá orðið, tá hon í setanarrøðu síni í oktonber segði hesi orð: ,, Men så længe vi har et rigsfællesskab. Og det håber jeg personligt, vi har i mange år endnu. Så skal det være et ligeværdigt samarbejde mellem tre lande, tre folk, tre regeringer"

Tíðargreinin (sum kann lesast niðanfyri) er ein skitsa til eitt lógaruppskot til § Lóg um sjálvræði Føroya við tí endamáli at fremja eitt hægri stig av javnrætti.

8 ásetingar - hvar liggur semjan?
Í kvøld spyrja vit forfólkini í Fólkaflokkinum, Sambandsflokkinum, Javnaðarflokkinum, Framsókn og Tjóðveldi hvar flokkarnir kunnu finna eina semju útfrá teimum átta ásetingunum.

1. Grundfesta skipanina
2. Lóggávu - og sáttmálaveto
3. Gera altjóða sáttmálar og fáa limaskap í altjóða   felagskapum í egnum navni.
4. Javnrætt í tulking
5. Egið dømandi vald
6. Gerðarrættarskipan
7. Einvegis rættur at skipa egið ríki
8. Avtøka av fólkatingsumboðanini

Skráin í kvøld
19.30 - Vælkomin

19.35 - Kristian Joensen greiðir frá teimum átta ásetingunum.

20.05 - Steðgur (kaffi og kaka verður at fáa)

20.20 - Pallborðsorðaskifti - Hvar liggur semjan? Forfólkini í fimm politiskum flokkum kjakast. 

21.30 - Liðugt

Øll eru hjartaliga vælkomin í Smæruna. Tað eru pláss til 150 fólk, og vit heita á fólk um at møta rættstundis. 

Ber ikki til at koma til tiltakið, so ber til at fylgja við stroyming. Tiltakið verður stroymt á youtube. Leinkjuna finnur tú á facebooksíðu floksins. 

Tjóðveldi

Her kanst tú lesa tíðargreinina hjá Bárði Larsen og Kristiani Joensen

https://www.setur.fo/fo/setrid/tidindi/rikisfelagsskapurin-sokalladi-20