Synergi: Vánalig leiðsla er ein av størstu avbjóðingunum í arbeiðslívinum!
Søgur um happing, misnýtslu av valdi, vantrivna, ágang og tyranniskan atburð, eru ikki ókendar. Men hví er tað so trupult? Og nýtist tað at vera ein ómøgulig uppgáva at leiða onnur? Ein uppgáva, sum næstan er ógjørlig at útinna uttan at gera mistøk?

Kom og finn høvdinga-leiðaran í tær sjálvari/sjálvum
Høvuðsendamálið hjá einum leiðara er ikki at ráða yvir starvsfólkunum, men at fáa tey at kenna seg hoyrd, sett í miðdepilin og at verða viðurkend. Við íblástri frá leiðslu úr fortíðini, vísir Dennis Nørmark í eini øðrvísi leiðslu-verkstovu 26. mars 2025 á, hvussu vit kunnu skapa eitt sunnari og meira kveikjandi arbeiðsumhvørvi – har leiðarin fær ein realistiskan og mennandi leiklut. Kom tú eisini við til hesa øðrvísi og læruríku verkstovu, sum fer at geva tær eina heilt øðrvísi áskoðan á leiðslu – og... møguleikan at finna høvdinga-leiðaran í tær sjálvari/sjálvum.

Dennis Nørmark sigur tingini, onnur ikki tora at siga!
Dennis Nørmark er ikki bara ein av mongum leiðsluserfrøðingum. Hann er kendur fyri at siga tingini, sum onnur ikki tora at siga, og fyri at vera bæði hvassur og stuttligur! Við hansara bakgrund sum antropolog og áralangu royndum innan leiðslu og organisatión, fer hann at geva tær ein heilt nýggjan og spennandi vinkul uppá tað, at leiða. Hann brúkar eitt lætt og ofta humoristiskt mál til at seta kritiskar spurningar, sum fáa teg at flenna – men eisini at hugsa.

Leiðslu-verkstovan “Gævi mín leiðari var høvdingi” verður 26. mars 2025. Melda til nú á www.synergi.fo, um tú vilt tryggja tær pláss!

Eru tit fleiri frá sama arbeiðsplássi, fáa tit avsláttur, ring 322355 ella skriva til synergi(at)synergi.fo, so fáa tit eitt gott tilboð!