Politikkur
Stórtapið sum aðrar slíkar kanningar hava spátt Fólkaflokkinum sær út til ikki at blíva so stórt kortini, í øllum førum um veljarakanningarnar sum spyr.fo ger eru eftirfarandi.
Portal.fo kunngerð eina nýggja kanning, har 800 fólk hava luttikið.
Sambært kanningini fær Fólkaflokkurin nú 19,2% av atkvøðunum. Ein líknandi kanning sum var gjørd í síðstu viku gav flokkinum einans um 12%.
Sambandsflokkurin hevði sambært kanningini fingið 18,9% av atkvøðunum um val var í dag, Javnaðarflokkurin 25,4%, Sjálvstýri 2,5%, Tjóðveldi 20,7%, Framsókn 6,6% og Miðflokkurin hevði fingið 6,8% av atkvøðunum um val var í dag.
Um tú veitst okkurt, sum VP ikki veit - skriva so til vp@vp.fo
