Vinna
Sambært børsfráboðan hevur Sýn hf selt meirilutan av sínum partabrøvum í partafelagnum Hey sum samstundis kastar saman við partafelagnum Nema.
Partafelagið Tjaldur, sum eigur Nema, yvirtekur partin av Hey sum Sýn hf hevur átt.
Nýggja felagið fer at hava eina samlaða sølu uppá 150 mió kr og væntar vinning uppá 8 - 10 mió kr.
Eftir søluna eigur Sýn hf 49,9% av samanlagda felagnum og Tjaldur Pf eigur 50,1%.
Sýn Hf fær 22 mió kr fyri søluna, verður upplýst í børsfráboðanini.
Føroysku kappingarmyndugleikarnir skulu góðkenna søluna, áðrenn hon endaliga kann fara fram.
Um tú veitst okkurt, sum VP ikki veit - skriva so til vp@vp.fo
