Onnur tíðindi
Russisk børn í yngsu klassunum ganga í hermannabúna og venja at ganga í skrúðgongu sum hermenn gera. Eldru árgangirnir læra at grava skotgrøvir, kasta granatir og skjóta við veruligum lóðri.
Tað sigur CNN í einum nýggjum dokumentari.
- Stutt sagt verða børnini fyrireikað uppá kríggj, skrivar miðilin og leggur afturat, at boðini koma frá hægsta stað í Moskva.
Í august skrivaði Vladimir Putin forseti undir eina nýggja lóg sum áleggur skúlunum at læra børnini um "grundleggjandi trygdarspurningar og at verja móðirlandið".
Minst 250.000 børn og ung eru limir í sonevndum hernaðarligum patriotiskum klubbum sum skúlarnir taka stig til.
Um tú veitst okkurt, sum VP ikki veit - skriva so til vp@vp.fo
