Leygardagin 30. november skipar Lions Club Liljan fyri tiltakinum Barnalist og jólatombola í Posthúskjallaranum í Tórshavn.
Tiltakið er kl. 14.30-17.00, og øll eru vælkomin. Tað er altíð ein stuttlig løta at síggja framsýningina Barnalist.
Barnalist er ein framsýning, har børn úr ymiskum barnagørðum sýna málningar og annað, sum tey hava evnað til jólatiltakið.
Kaffi og vaflur verða til keyps, umframt tombola við nógvum góðum vinningum.
Peningurin fer óskerdur til børn og ung í Føroyum.
Luttakandi dagstovnar: Dagstovnurin við Løgmannabreyt, Býlingshúsið undir Fjalli, Dagstovnurin á Hamrinum, Dr. Ingridar barnagarður, Dagstovnurin í Øksnagerði, Dagstovnurin Flatnagarður, Býlingshúsið Inni á Gøtu, Dagstovnurin við Velbastaðvegnum, Dagstovnurin Lítliskógur.
Um tú veitst okkurt, sum VP ikki veit - skriva so til vp@vp.fo
