Mynd: Ólavur Frederiksen
Mynd: Ólavur Frederiksen
Mynd: Ólavur Frederiksen
Á middegi í dag var fyrsta skotið í samband við Sandoyartunnilin latið av á Gomlurætt.
Heðin Mortensen, landsstýrismaður í samferðslumálum trýsti á knøttin og sprongdi oman av økinum, har ið niðari vegurin skal flytast til, so sleppast kann til at bora.
“Eg fegnist um, at vit nú eisini fáa sett gongd á Sandoyartunnilin á Gomlurætt, so arbeitt verður bæði Streymoyar- og Sandoyarmegin”, sigur Heðin Mortensen, landsstýrismaður.
Ætlandi verður koyrandi ígjøgnum tunnilin í desember 2023. Mett verður, at 300-400 bilar fara at koyra ígjøgnum tunnilin um samdøgrið.
Sandoyartunnilin verður 10,8 km. langur og verður harvið longsti tunnil í Føroyum.
Meiri kunning er at finna á www.estunlar.fo og á facebook.
Um tú veitst okkurt, sum VP ikki veit - skriva so til vp@vp.fo
