![Birgir 01](https://www.vp.fo/fileadmin/user_upload/birgir_01.jpg)
![Birgir 01](https://www.vp.fo/fileadmin/user_upload/birgir_01.jpg)
Eigarin av Ide Møblum er í seinastuni ringdur upp fleiri ferðir, tí fólk halda, at hann hevur søkt um og fingið kvotur frá Fiskimálaráðnum. Tað hendir eftir søgur í Kringvarpinum um, at eitt felag við einum Birgir Andreasen skal vera ímillum tey hepnu.
- Summi geva ilt av sær, og onkur hevur eisini beinleiðis sagt, at hann ikki ætlar at handla hjá mær longur, sigur ein illa staddur Birgir Andreasen, sum leggur dýran við, at tað er ikki hann men ein annar Birgir Andreasen sum stendur á odda fyri felagnum sum hevur fingið tillutaðar kvotur.
- Hetta er satt at siga eitt sindur troyttandi, og eg vil fegin gera vart við, at eg onki havi við nakað felag at gera, sum hevur fingið tillutaðar kvotur, hvørki so ella so, sigur Birgir Andreasen.
Um tú veitst okkurt, sum VP ikki veit - skriva so til vp@vp.fo