Hagstovan: Arbeiðsloysið var 1,1 prosent í februar, sum svarar til 336 fulltíðararbeiðsleys. Sama mánað í fjør var arbeiðsloysið 0,8 prosent við 255 fulltíðararbeiðsleysum.
Ein fulltíðararbeiðsleysur er ein persónur, sum er arbeiðsleysur allan mánaðin. Tað merkir, at eru tveir persónar raktir av arbeiðsloysi ein hálvan mánað hvør, telja báðir samanlagt sum ein fulltíðararbeiðsleysur henda mánaðin. Í februar vóru 409 persónar raktir av arbeiðsloysi. Tað eru 117 fleiri enn februar í fjør.
Arbeiðsloysið eitt vet størri hjá monnum
Í februar vóru 196 fulltíðararbeiðsleysir menn. Tað svarar til 1,2 prosent. Hetta er 0,3 prosentstig hægri samanborið við sama mánað í fjør. Hjá kvinnunum var arbeiðsloysið 1,0 prosent ella 140 fulltíðararbeiðsleysar kvinnur. Tað er 0,2 prosentstig hægri enn februar í fjør.
Um tú veitst okkurt, sum VP ikki veit - skriva so til vp@vp.fo
