Føroyar eru framvegis ósigraðar í Nations League eftir 2-2 javnleikin móti Slovakia í kvøld. Allir fimm dystirnir eru endaðir við javnleiki, og føroyska liðið hevur nú fimm stig.
Moldova vann samstundis 2-1 á Kasakstan og hevur sjey stig. Tí skulu Føroyar vinna, tá Moldova kemur á Tórsvøll mánadagin 16. november klokkan 15. Ein sigur tryggjar Føroyum annað plássið, meðan javnleikur ikki er nóg mikið.
Annað plássið gevur atgongd til tveir dystir um uppflyting í B-deildina í mars 2027. Slovakia hevur við javnleikinum tryggjað sær fyrsta plássið í bólkinum.
Støðan undan seinasta umfari er sostatt:
| Lið | Stig |
|---|---|
| Slovakia | 11 |
| Moldova | 7 |
| Føroyar | 5 |
| Kasakstan | 2 |
Ókeypis atgongd verður til avgerandi dystin mánadagin, men áskoðarar skulu frammanundan tryggja sær atgongumerki í nethandlinum hjá FSF.
Um tú veitst okkurt, sum VP ikki veit - skriva so til vp@vp.fo
