Tann 23. apríl næsta ár letur SAS upp nýggja rutu millum Aalborg og New York City.
Hetta veit tv2.dk.
Flogið verður til Newark Liberty International Airport í New Jersey, og túrurin tekur eitt stað ímillum 7 og 8 tímar.
Flogið verður tríggjar ferðir um vikuna: mánadag, hósdag og leygardag.
TV2 skrivar, at SAS fer at flúgva ímillum Norðurjylland og USA við einum Airbus A321LR, sum hevur pláss fyri 157 ferðafólkum.
Tað er søguligt, at SAS nú fer at flúgva millum Jylland og New York City. Aldri áður er tað hent, at ein beinleiðis flogruta hevur verið ímillum Jylland og "The Big Apple", sum amerikanski stórbýurin eisini verður róptur millum manna.
Um tú veitst okkurt, sum VP ikki veit - skriva so til vp@vp.fo
