07 Vestur: 07 Vestur og Marius Hagen hava gjørt sáttmála, og 29-ára gamli norðmaðurin flytir sostatt aftur til 07 Vestur úr Strømmen IF í OBOS-liguni - næstbestu norsku deildini.
Norski miðvallarin leikti 6 dystir við 07 Vestur í fjør summar, men fór síðan aftur til noregs, har hann fekk sáttmála við Strømmen IF, í næstbestu norsku deildini. Har var hann ein umráðandi leikari og fekk 14 dystir. Sum skilst varð hann ímillum bestu leikarar teirra og var eisini fleiri ferðir kosins dagsins leikari.
Marius, sum helst verður seinasti nýggi leikarin hjá Schønberg í ár, kemur til Føroyar sum skjótast. Ivasamt er, um hann nær dystin móti Skála sunnudagin, men eingin ivið er um, at hann er sera góð styrki at fáa, og kemur at vera eyðsýndur á miðjuni.
Vit ynskja Marius vælkomnum aftur og blíðan byrð!
Um tú veitst okkurt, sum VP ikki veit - skriva so til vp@vp.fo
