Vinna
(savnsmynd)
(savnsmynd)
(savnsmynd)
Svenska fyritøkan Minesto, sum saman við SEV ger royndir við sjóvarfalsorku í Vestmannasundi, hevur gjørt avtalu við Leask Marine úr Orknoyggjum um at gera eitt nýtt akker sum drekarnir ið framleiða streymin skulu festast í.
Tað skrivar miðilin Offshore Energy.
Talan er um eitt tungt, rørskapað akker sum verður fest í botn. Tað skal gera arbeiðsgongdina smidligari og vera betri egnað til størri drekarnar, sum ætlanin er at fara undir at brúka.
Leask Marine og Minesto hava longu frammanundan drúgvar royndir við samstarvi.
Um tú veitst okkurt, sum VP ikki veit - skriva so til vp@vp.fo
