Fólkaflokkurin: Samgongan hevur ikki nakra loysn við veiðiloyvunum. Hetta skapar ótryggleika, tí vinnan fær ikki lagt sítt virksemi til rættis.
- Tí hava vit í Fólkaflokkinum lagt uppskot fram um at leingja gildistíðina.
- Tað er neyðugt, at fiskivinnan hevur støðugar og greiðar karmar at virka undir, sigur Fólkaflokkurin millum annað í viðmerkingunum til uppskotið.
- Verandi landsstýri hevur ikki valt at leingja veiðiloyvini, síðan tað tók við. Tey hava tosað um ymsar ætlanir, men enn er onki framt.
- So leingi ongin onnur loysn við veiðiloyvum er, so eiga tey at verða longd, so vinnan veit, hvat hon hevur at arbeiða við, og fær lagt sítt virksemi til rættis.
- Vit sóu hvat hendi, tá loyvini blivu uppsøgd, og man ikki kom við aðrari loysn beinanvegin. Allar nýíløgur blivu steðgaðar - tað má ikki henda aftur.
- Tí velur Fólkaflokkurin at halda fast í 12 ára loyvir, ið undanfarna samgonga setti í verk.
Um tú veitst okkurt, sum VP ikki veit - skriva so til vp@vp.fo
