Bragdið: Fyrrapartin var HCA marathon skotið í gongd og tað gekk fyri seg í føðibýnum hjá kenda, danska skaldinum, H.C. Andersen í Odense.
Rógvi Kárason rann væl og javnt allan túrin og kom á mál sum nummar tvey! Tíðin hjá Rógva var næstbesta tíðin nakar føroyingur hevur runnið og er sostatt eisini besta tíð hansara. Hann rann so væl, at ½ marathontíðin var undir Oyggjaleikakravinum, men um tað kann brúkast til Oyl 2025, vita vit í skrivandi stund ikki.
Tíðin var 2.32.09 og nú er hann nær við føroyska metinum. Tað er bara ein spurningur um tíð, nær tað verður. Fyri ikki so langari tíð síðani, var Rógvi skurðviðgjørdur í hjartanum og úrslitið í dag vísir, at hann er komin væl fyri seg.
Um tú veitst okkurt, sum VP ikki veit - skriva so til vp@vp.fo
