![7juni21 0669 Custom](https://www.vp.fo/fileadmin/_processed_/1/7/csm_7juni21_0669__Custom__0c14a03f18.jpg)
![7juni21 0625 Custom](https://www.vp.fo/fileadmin/_processed_/5/2/csm_7juni21_0625__Custom__217431faea.jpg)
![7juni21 0622 Custom](https://www.vp.fo/fileadmin/_processed_/e/e/csm_7juni21_0622__Custom__4a053408d3.jpg)
![7juni21 0619 Custom](https://www.vp.fo/fileadmin/_processed_/5/5/csm_7juni21_0619__Custom__e5cbcdacda.jpg)
![7juni21 84A7257 Custom](https://www.vp.fo/fileadmin/_processed_/8/1/csm_7juni21_84A7257__Custom__6ba5e86bab.jpg)
![7juni21 0669 Custom](https://www.vp.fo/fileadmin/_processed_/1/7/csm_7juni21_0669__Custom__0c14a03f18.jpg)
![7juni21 0625 Custom](https://www.vp.fo/fileadmin/_processed_/5/2/csm_7juni21_0625__Custom__217431faea.jpg)
![7juni21 0622 Custom](https://www.vp.fo/fileadmin/_processed_/e/e/csm_7juni21_0622__Custom__4a053408d3.jpg)
![7juni21 0619 Custom](https://www.vp.fo/fileadmin/_processed_/5/5/csm_7juni21_0619__Custom__e5cbcdacda.jpg)
![7juni21 84A7257 Custom](https://www.vp.fo/fileadmin/_processed_/8/1/csm_7juni21_84A7257__Custom__6ba5e86bab.jpg)
MEST hevur staðið fyri sniðgeving og framleiðslu av eini 12 metrar høgari og 8,5 metrar breiðari A-Rammu umframt at íseta framkomna avlúsingarskipan á MS Martin hjá Bakkafrost. Harumframt hevur MEST – í kapping við 7 aðrar útlendskar skipasmiðjur – vunnið arbeiðið at umbyggja eitt supply skip til avlúsingarskip til virksemið hjá Bakkafrost í Skotlandi.
Seinastu vikurnar hevur MEST staðið fyri størri umbygging á dekkinum á tænastuskipinum hjá Bakkafrost “MS Martin”. Í fyrstu atløgu er avlúsingarskipanin blivin útskift við eina nýggja av merkinum FLS, sum er ein av teimum mest framkomnu avlúsingar skipanum í heiminum. Talan er um eina skipan, sum fer serliga væl við laksinum.
Harumframt hevur MEST sniðgivið og framleitt eina sokallaða A-Rammu, sum skal brúkast til at stýra slangunum, ið koyra laksin út aftur í aliringin. A-Ramman er umleið 12 metrar høg og 8,5 metrar breið og ment av MEST júst í mun til tørvin hjá Bakkafrost. Sjálv A-Ramman er ísett og væntast endaliga arbeiði at verða liðugt í vikuni. Sum nakað serligt hevur MEST eisini ísett eina gangibrúgv á A-Rammuna – so at starvsfólk ómakaleyst kunnu koma so tætt at aliringunum sum møguligt.
Sum tað sæst á myndunum er talan um eina umfatandi verkætlan.
Nýggj verkætlan í gongd í juli – hesa ferð avlúsingarskip til Skotlands
Í kapping við 7 aðrar skipasmiðjur vann MEST í seinastu viku enn eina umbyggingarverkætlan fyri Bakkafrost. Henda verkætlanin snýr seg somuleiðis um umbygging av einum supply skipi (PSV) til avlúsingarskip (FFUV) til virksemið hjá Bakkafrosti í Skotlandi.
Ymiskar tillagingar skulu gerast – eitt nú skal dekkið skal reinsast fyri timbur og stál, og gerast klárt til at seta eina FLS – avlúsingarskipan á dekkið eins og nýggj MEST A-Ramma skal framleiðast og ísetast (eins og MEST hevur sett í Martin M/s).
4 Melcal dekskranar, spøl og spælkoppar verða settir í umframt at nógv hydraulikk arbeiði skal fremjast. Ávísar broytingar og tillagingar skulu eisini gerast í manningarrúminum og á brúnni.
“Hetta hevur verið ein umfatandi verkætlan, sum er eydnast sera væl. Vit gleða okkum nú um at fáa møguleikan at fremja eina líknandi verkætlan fyri Bakkafrost longu í juli – hesa ferð er tað umbygging av einum PSV’arar til tænastuskip til virksemi hjá Bakkafrost í Skotlandi”, sigur Mouritz Mohr, stjóri á MEST.
Um tú veitst okkurt, sum VP ikki veit - skriva so til vp@vp.fo