![Gardaskora](https://www.vp.fo/fileadmin/user_upload/Gardaskora.jpeg)
![Gardaskora](https://www.vp.fo/fileadmin/user_upload/Gardaskora.jpeg)
Tórshavnar kommuna: Tá havin verður lúkaður eigur havaburturkastið at verða hildið inni í egnum hava, og skal ikki tveitast á felagsøki. Havaburturkast sæst viðhvørt liggja í fríøkjum, og soleiðis er innflutta garðaskøran farin frá urtagørðum og út í fríøki í kommununi, har hon hevur spjatt seg.
Garðaskøra skal burturbeinast sum vanligt húsarhaldsburturkast, sum verður brent. Annað havaburturkast kann savnast í ein dunga í havanum ella latast kommunalu endurnýtsluni á Hjalla.
Garðaskøra kann haldast niðri, tá hon fær kapping frá øðrum plantum. Tí eigur mold ikki at liggja ber, og skal helst hava eitt innihald av humus, sum er minst 10-20%, sum ger at gras trívist.
Um grivið verður, eigur at sáast ella plantast á nýggjum, og somuleiðis skulu útstykkingar, vegagerð og gøtur sambært umhvørvispolitikkinum hjá Tórshavnar kommunu viðgerast við atliti til at varðveita plantuvøksturin í økinum.
Um tú veitst okkurt, sum VP ikki veit - skriva so til vp@vp.fo